رواية من الحقيقة ( التائهة )
_ طيب لو سمحت اكتبلي علي خروج دلوقتي
_ انا شايف انك ترتاحي شويه
_ لا معلش انا كويسه
_ زي ماتحبي....
خرجت وانا خارجه قابلت سالي
_ انا هروح اعرف انا مين..
_ طيب وهتنامي فالشارع
_ هعمل ايه منا لازم اعرف انا مين وجيت هنا ازاي
_ عالعموم دا رقمي وكلميني في اي وقت لو احتاجتي اي حاجه كلميني وخدي ال ١٠٠ جنيه دي اكيد هتحتاجي تركبي مواصلات..
_ ياستي اعتبريها سلف واعتبريني اختك..
_ الحقيقه مش عارفه اقولك ايه..
اخدت الفلوس ومشيت سألت واحد كان ماشي اروح الطريق الدائري منين لو سمحت واداني العنوان وركبت ورحت يمكن اوصل لأي خيط يفكرني انا مين...
فجأه سمعت صوت عربيه بتفرمل جامد كانت هتدوسني..
نزل منها واحد.
_ ايه الي موقفك فنص الشارع كده
_ لسه ببصلو...
_ انتي ايه الي موقفك في نص الشارع كده..
لسه بلف وشي لقيته استغرب اوي..
_ انتي مين
_ هو انت تعرفني
_ انتي شبه حد عزيز عليا
_ شبه مين
_ اختي الي اتوفت من سنتين
_ انت اختك بجد اتوفت من سنتين اتوفت ازاي
_ اتوفت بالكانسر
_ ازاي انا كنت في غيبوبه من سنتين ومحدش سأل عليا..
انا ممكن اكون اختك
_ مستحيل انا داف0ن اختي ب ايديا...
استأذنك انا عشان ورايا مواعيد تحبي اوصلك في مكان
_ لا شكرا..
ركب عربيته ومشي وسابلي علامات استفهام كتيرة..
معقولة ممكن يكون في صدفه كده ازاي اخته شبهي واتوفت فنفس الوقت الي عملت في الحادثه انا حتي نسيت اسأله هي اسمها ايه يمكن افتكر اي حاجه...
فضلت ألف كتير لحد ماتعبت لقيت كشك قلت اما اجيب حاجه آكلها...
جبت واشتريت ميه ولقيت الي واقف فالكشك راجل كبير قلت اما اسأله يمكن يوصلني لأي حاجه...
_ لو سمحت يا حاج هو حضرتك فاتح هنا من زمان
_ ايوة يابنتي من عشر سنين..
