اعمل ايه
من 3 سنين اتقدملي شاب من محافظة تانية وانا كنت رفضاه بس اهلي ضغطو عليا وبصراحه ملقتش فيه عيوب فاتجوزته وبعد الجواز اكرمني كل الكرم عمره ما شتمني ولا علي صوته عليا وانا ديما كنت بمنعه من بعض حقوقه ومعرفش ليه كنت مش راضية عن حالي وسببتله اذي نفسي كتير ومكنش عارف يراضيني ازاي وانا بجد مكنتش عارف ايه السبب اني بعامله بقسوة كدة وكنت باخد حبوب منع الحمل ومخلفناش اخر قعدة لينا مع بعض قلي قوليلي يابنت الناس بتعامليني كدة ليه مكنتش برد فقلي طب هو انتي كنتي بتحبي حد قبلي والمصيبة قولتلو اه فقلي تطلقي قولتلو اللي انت عاوزه اعمله
فقلي انا عاوز نحل مشاكلنا بدون ما ندخل اهلنا وللاسف انا ديما كنت حاسه اني مش طيقاه مع انه مقصرش معايا اطلاقا وهدايا كان بيجبلي ولو حس اني معجبة بحاجة كان بيفاجئني بيها بس انا حماره بمعني الكلمة وطلبت الطلاق فقلي بالله عليكي انا بحبك بلاش فوليلي انا مقصر ف ايه وانا اعوضهولك بس الطلاق هتبهدليني كدة وهقولهم طلقتها بسبب ايه وللاسف اتهمته انه
بحجات محصلتش واخواتي اتجمعو عليه وخلوه طلقني بالعافيه وانا من وقتها مبنمش ولو نمت بيجيلي الف كابوس وبقوم مفزوعه وبعيط ليل ونهار وبدعيله يرجعلي بس كلمته علي الموبايل قلي سيبيني فحالي كفايا خراب البيت والله قولتلو لو رجعلي هعيش خدامة تحت رجلو بس يوافق ومش عاوزة منه اي حاجة انصحوني بالله عليكم من غير اهانه انا قلبي مش مستحمل جلد ذات تاني ارجوكم
